إنها قصة الياسمينه ...

إنها قصة الياسمينه ...

يروى والعهده على الراوي حكاية..
من زمان..
لادري من مليون عام..
لادري اكثر
لادري قبل ابونا آدم ماتصور ..

مره ناشدت الدهر عنها تفطن ..تفطن.. تفكر.. ماتذكر
كانت الدنيا يباس وكل أراضيها صحاري ..
والعصافير الحزينه..
مشردة بكل البراري..
والنحل جوعان هايم
صرله مده على الاحلام ..
صايم...

من السما..
بالصدفه نزلت للأرض..
حورية حلوه ..
ضيَعت درب الحبيب.. ونزلت تدور عليه..
وتشفي قلب معذب بحر اللهيب ..
فتشت لكن خسارة..
لما عجزت دورت بالدنيا..
خلوه..
تبكي فيها..
والدم بالفرقا سلوى
وكانت القصه العجيبه....

دمعة نزلت ..
وردة بيضا فتحت..
رد دمعة نزلت.
وردة بيضا فتحت..
رد دمعه نزلت .. رد دمعة نزلت..
والورود تفتح .. بكل البراري..
والفراش لفوق علا .. والنحل ينزل بوادي...
والعصافير الحزينه..
زينت العشوش زينه..
زينت بورود جوري ومن زهور الياسمينه..

ودارت الدنيا الغريبه ..المره هذي كانت الصدفه..
رساله..
من شذا الأزهار وصلت .. للحبيب من الحبيبه ..
ارتعشت الذكرى بعيونو .. وشعلت شوقو وجنونو ..
وسافر بجنح الليالي يطوي كل عام بثواني ..
حتى وصل..
لما وصل ماوجدها .. شعرت بخوف لوحدها.. وسافرت دنيا بعيده تزهر الارض الجديده..
العاشق المسكين حامل ريشة وألوان عديده ..
أسرعت كل وردة بالارض انحنت ..
وتبسمت بسمة سعيده..

وردة طلبت لون خمري .. يشبه شفاف الحبيبه..
ووردة من لون الحلق.. ووردة من لون الثياب..
ووردة من لون العيون..ووردة لما يلون الخد العذاب..
ووردة من لون السما عند الغروب.. ووردة من لون الفراشات اللعوب..

وابتدا الفنان لون .. كل ورود الدنيا كلها ..
إلا وردة..........

الوردة هذي كان اسمها الياسمينـــــــــــــه.
ماقدر يوصل زهرها ..
راد منها تنحني .. رفضت إنها تنحني..
حتى ظلت أجمل و أحلى وعطرها يجدد الامال بينا..
وتهدي لصدور الصبايا من زهرها طوق زينه..
ومن هذاك اليوم صارت...

كل ورود الدنيا كلها .. تنحني..
للياسميــــــــــــــــــ ـــــــــــنه

موضوع كتيير حلوو